Sabar menghadapi orang yang kurang sabar

Waktu Engkong masuk ke ruang kerja temen Engkong namanya si Minul, entu si Minul lagi mareh-mareh. Raut mukanye bengkok ketekuk, burem , kusem, asem, menyon pokoknye jelek dah. Kagak ade bagus-bagusnye pisan. Nah engkong kan jadi kaget. Ade ape nih bocah, cemberat cemberut aja? jangan-jangan kagak dibagi die semalem.

Engkong langsung sok mesra aje ame die, soalnye die emangnye perempuan yang paling cakep kalo kata engkong sih. Sebenernya engkong demen banget ame die, udeh orangnye lembut kaya tepung, pake jibab lagi kaya bu haji, mukanye putih kaya bulan, bibirnye merah kaya semangka, he he rasanye pengen engkong sedot aje tuh semangka, manis kali ye? Lah…..Engkong jadi mikir yang kagak-kagak aje.
Engkong tanya die: “kenapa manis…… kok melempem aje tuh muke kaya kerupuk ditaro di atas gunung…. kisut…..” kagak di sangke die nyautnye nyolot merah mareh, mulutnye monyong lagi.

Dia ngebentak Engkong sambil matenye melotot:”Apa lagi.. nih…? mao marah juga? Udeh. pada marah aje semua sekalian…..! pada kagak sabaran amat sih? Engga tau orang lagi sibuk apa? Yang ini pengen dilayanin duluan, yang itu juga pengen dilayanin duluan, tangan gua cuma dua kan. Sabar dong… !” Sekonyong-konyong mate engkong jadi mendelik (terbuka lebar) sampe keluar kayak matenye Tom and Jery. Engkong langsung jawab: “Nah luh……… bisa begini nih bocah…?”

Lantas engkong bujuk die sambil diusap-usap punggungnye. Engkong bilang :”kenape sih… botoh (cekep)…..? mareh-mareh sama AA. Kan AA gak salah same Minul. Masa orang cakep marah?. Entar jadi jelek” Terusnye die mesem (tersenyum) malu-malu mukanye nunduk ke baweh kaya kucing di boboin, sembunyiin muka.
Die bilang “tadi ada orang marah-marah gara-gara surat SPPD nya belum jadi, kan yang harus dikerjain banyak, bukan urusan dia doing. Yang duluan aja belum jadi. masa dia yang belakangan mau duluan. Sabar dong…!”

Oh itu persolaannye yang bikin die jadi begitu. Engkong bilang:”Jangan begitu. Biasa aja ngomongnye jangan pake sewot (kesel). Jangan pake monyong mulutnya, mulut menyon masuk neraka kalo mulut bagus masuk surga”
Lantas engkong tanya pelan-pelan “ emangnya siapa yang harus sabar…?”
Dia lansung jawab cepet “ ya dia dong. Kan dia yang minta dilayanin.”
Engkong jawab lagi: “Bukan…..!”
“Lantas siapa dong…?’ Tanya die heran…
“Kamu yang harus sabar…..” jawab Engkong
“Lho kok gitu ?” katanye heran
Terus Engkong bilang:” iya…. kamu harus sabar menghadapi orang yang kurang sabar.?”